మనమెక్కడ?

ప్రపంచం లో అత్యధికంగా వాడబడే భాషల పట్టిక మీరు ఇక్కడ చూడవచ్చు.

ఆశ్చర్యకరంగా బెంగాలీ బాబులు తమ తిరుగులేని బాషాభిమానం తో 5 వ స్థానం లో
వున్నారు.

మిగిలిన భారతీయ బాషలు, వాటి స్థానాలు..

06. హిందీ
17. తెలుగు
19. మరాఠీ
20. తమిళం
25. గుజరాతీ
30. మలయాళం

కానీ ఇది వాస్తవం కాకపోవచ్చు కూడా...ఎందుకంటే వికిపీడియా ప్రకారం హిందీ రెండవ స్థానం లో వుంది.

ఎవరు నేర్పారమ్మ ఈ పల్లెకూ? అందాలనద్దమని అడుగు అడుగుకు...

ఇటీవల సంక్రాంతి తరువాత ఇంటి నుంచి తిరుగు ప్రయాణం ఫలక్ నుమా లో (రెండు గంటలు ఆలస్యం) వచ్చాను.రాత్రి అంతా బాగానే గడిచింది కాని, తెల్లవారాకా నాకు ఆ ఏ.సి కంపార్టుమెంటు తిక్క పుట్తించింది.పెద్దగా మాటలాడటానికి ఇష్టపడని ప్రయాణీకులు, ఇష్టపడినా భాష రాని బెంగాలీ వాళ్లు, తెరవలేని గాజు అద్దాలు, తెల్లవారి బారెడు పొద్దు ఎక్కినా, బెర్తులు దిగని మహానుభావులు, అందరిని చూస్తే జాలి, కోపం రెండూ వచ్చాయి.

బయట అందమయిన పొలాలు, కరకు రాతి నేలలు, చిన్న చిన్న కాలువలు వెనక్కు పరుగులు తీస్తుంటే చూసి ఆనందించలేక, కృత్రిమ చల్లదనాన్ని ఆబగా ఆలింగనం చేసుకున్న బడుధ్ధాయిలు అనిపించింది.

బయటకు వెళ్లి కాసేపు కోచ్ అటెండెంట్ తో మాట్లాడాకా, తలుపు తీసా, ఎదో పచ్చని పల్లె ఒక్క సారి నా కళ్లను మొత్తం తన వయిపు తిప్పుకునేలా చేసి, ముసి ముసి నవ్వులు రువ్వినట్టయింది.ఆ నిలుచున్న కాసేపు నా మదిలో సాగిన ఆలోచనల రూపం ఇది.

సంక్రాంతి లక్ష్మి పెద్దగా సిరులు ఇవ్వక పోయినా, పల్లె మొహాలలో వదిలివెల్లిన సంతోషం ఛాయలు...
పండక్కి కొత్త టైరు దొరికితే, దాన్ని బెంజి కారులా తోలుకెల్తున్న భావి పల్లె పౌరులు...
దొరికిన గాలిపటాల నన్నింటిని, అందిచ్చుకుని, ఎడా పెడా జడలో తురుముకుని మురిసిపోతున్న మర్రిమానులు, రావి చెట్లు...
ఆ చెట్ల పైనే కొత్తగా వచ్చిన గాలి పటాల తో యుద్ధం చేస్తూ, వాటిని కుళ్ళబొడిచేస్తున్న కాకులు...
మేని నిండా రాసిన పసుపుతో గర్వంగా, భూమిలోకి ముందుకి చొచ్చుకు పోతున్న ఇనుపనాగల్లూ...
శ్వేత ఛాయ మేనితో మెరిసిపోతూ, యజమాని కళ్ల మెరుపు లో కదుల్తున్న గిత్తలు...

ఇవన్నీ చూస్తుంటే, ఎవరు నేర్పారమ్మ ఈ పల్లెకూ? అందాలనద్దమని అడుగు అడుగుకు అని పేరడీ పాడాలనిపిస్తుంది.

తెలుగు బ్లాగు, తెలుగు టెలివిజన్ లో...

రేపు టివి 9 (తెలుగు లో ఒక ప్రముఖ వార్తా ఛానెల్) వారి టెక్నోబైట్స్ అనే సాంకేతిక సంబంధిత కార్యక్రమం, తెలుగు లో బ్లాగింగు గూర్చి కిరణ్ చావా గారితో ముఖాముఖి ప్రసారం చెయ్యబోతోంది.

నేను కూడా కాసేపు బ్లాగుల గూర్చి మాటాడాను కాని, English లో :-) నేను ఈ కార్యక్రమం లో, కాసేపు బ్లాగు అంటే ఏమిటి? ఏలా మొదలు పెట్టాలి? మొదలగు విషయాలు చెప్పాను.

ఈ కార్యక్రమం, ఈ ఆదివారం అంటే 30-January-2006, 12:30 PM కి ప్రసారం కాబోతుంది. మరలా, తరువాతి బుధవారం, సాయంత్రం అయిదున్నర గంటలకు ప్రసారం అవుతుంది.

Rx...మన తేనె, ఒక చెంబుడు, ప్రతీ రోజు...ఏదో ఒక సమయం లో...

నాకు ఈ రోజు చాలా ఆనందంగా ఉంది. తెల్లవారు జామునే తేనెపట్టు దొరికితే ఎవరికి ఆనందంగా ఉండదు చెప్పండి :-)అందులో నాకు ఎంతో నచ్చిన "రచన" ఇంటర్నెట్ లో లభ్యమవటం ఒకటి. తపో సాధన లాంటి ఆ సాహిత్య మరియు బాషా తృష్ణకు మన తెలుగు భాషా సంఘం శాయి గారి ని సత్కరించి తీరాలి.

నాకు రచన పరిచయమయ్యింది నేను ఇంటర్మీడియట్ చదువుతున్న రోజులలో అనుకుంటా...మల్లాది క్రిష్ణమూర్తి గారి "మూడు ప్రశ్నలు, ఒకటే సమాధానం" పోటీ ని నేను చాలా సీరియస్ గా చదివే వాడిని. ఒక సారి మాత్రం నాకు ద్వితీయ బహుమతి క్రింద 58 రూ. (అర్ధనూటపదార్లు అన్నమాట :-)) వచ్చాయి. అందులో ఒక అయిదు రూపాయలు తెచ్చిన పోస్టుమాన్ కి. కాకపోతే అది తప్పనిసరిగా లంచం కాదు సుమండీ :-)

తెలుగు వారంతా ఒకరిని అదుకొని తమని తాము అభిషేకించుకోవాలంటే తప్పక "రచన" లాంటి పత్రిక చదవాలి, వాటి మనుగడకు తోడ్పడాలి. ఒక్కసారి ఈ జనవరి నెల సంచిక చదవండి. మొదటి పుటలోనే నేను ఈ మధ్యనే కొన్న "బాల విహంగ వీక్షణ సంపుటి" గురించి ప్రకటన చూసాను.

ఈ రోజు దొరికిన ఇంకొక సాహిత్య కుసుమం, ఈమాట. నాకు ఇది కిరణ్ గారి సోది కామెంట్లు చదువుతుంటే దొరికింది. ఇది నిజంగా ఒక తేనె పట్టు. ఖాళీ సమయాలలో idlebrain.com చదవటం కంటే ఈ రెండూ కళ్లకద్దుకోవటం మంచిదని నా అభిప్రాయం.

పుస్తకాలతో పరిచయం

చాలా రోజుల తరువాత మరలా నేను తెలుగు లో రాయటానికి సమయం చిక్కింది. ఇంత కాలం ఏమి వెలగ బెట్టాడంటా అని అనుకోవచ్చు.దానికి ఒక కారణం ఉంది. ఎప్పుడు బ్లాగు చెయ్యాలన్నా, ఎవేవో పిచ్చి పిచ్చి విషయాలు, పనికి రాని రాజకీయాలు బుర్రలో కొట్టుకుని చివరకి నా చేతి పైన విజయం సాధించి వాటి గూర్చి రాయించుకునేవి.

వాటిని జయించాలంటే, ఒకటి మన సంఘం లో కుళ్లు పట్టించుకోకూడదు. (ఇది మనకు కష్టమయిన పని). రెండవది, తెగ పుస్తకాల తో సావసం చెయ్యటం. నేను రెండవ మార్గం ఎంచుకున్నాను. ఎందుకంటే నేను చదవని పుస్తకాలు తెలుగులో చాలా వున్నాయి మరి.

ఈ మధ్య భాగ్యనగరం లో పుస్తక ప్రదర్శన జరిగింది. నేను కూడా మా మిత్ర బృందం తో కలసి దొరికిన మంచి పుస్తకాలు అన్ని కొన్నాను. ఇదిగో ఆ చిట్తా...

01. బాల పత్రిక (1945-1959) విహంగ వీక్షణ సంపుటి (4 సంపుటాలు)
02. వంశీ గారి "మా పసలపూడి కధలు"
03. ఈ విప్లవం అంతరంగం లో - జిడ్దు కృష్ణమూర్తి గారు
04. ఒక యోగి ఆత్మ కధ
05. ఓంకార్ ఆల్ ఇన్ ఒన్
06. కాలబిలాలు పిల్లవిశ్వాలు - హాకింగ్
07. కాలం కధ - హాకింగ్
08. ఈనాడు కార్టూనులు - శ్రీధర్
09. ఇండియా ట్రావెల్ గైడు.
10. అమ్మ - గోర్కి

ఇవి కాక మునుపు కొన్న 18 సంపుటాల కాశీ మజిలీ కధలు, వేయిన్నొక్క రాత్రులు పూర్తి చెయ్యాల్సి వుంది. ప్రస్తుతం మంచి పల్లె లో, మొగలి డొంకల్లో పుట్టిన మొగలి పువ్వుల్లాంటి "మా పసలపూడి కధలు" చదువుతున్నాను. త్వరలో వాటి గురించి రాయాలని అనిపిస్తుంది.

ఒక్క నిమిషం నవ్వుకోవటానికి.... :-)

వికిపీడియా లో నా మొదటి రోజు

ఈ రోజు వికిపీడియా లో కొన్ని మార్పులు జత పరిచాను. చాలా సంతృప్తి కలిగింది :-)

నా మొదటి రోజు పదాలు
వంశధార ఒరిస్సా రాష్త్రం లో, నియమగిరి పర్వత సానువులలో పుట్టింది. మొత్తం ౨౩౦ కిలోమీటర్లు పొడవున ప్రవహిస్తుంది. ఇందులో ౧౫౦ కిలోమీటర్లు ఒరిస్సా లో వుంది. ఆంధ్రప్రదేశ్ లో శ్రీకాకుళం జిల్లా వద్ద ప్రవేశించి కళింగపట్నం అనే చోట బంగాళాఖాతం లో కలుస్తుంది. వంశధార దాదాపుగా ౧౧,౫౦౦ చదరపు కిలోమీటర్లు మేర ఆవరించి, శ్రీకాకుళం జిల్లా యొక్క ప్రధాన నీటి వనరులలో ఒకటిగా ఉపయోగించబదుతుంది. గొట్టా (శ్రీకాకుళం జిల్లా) అనే ప్రదేశం లో దీని ఏకైక ఆనకట్ట వుంది.

నువ్వు వస్తానంటే నే వద్దంటానా???????

కలియుగం ఖర్మ మన దేశానికి పట్టినట్లు వుంది... వర్షానికి పట్టణాలపై ప్రేమ ముంచుకొచ్చింది
హైదరాబాదు ....ఇంకొక ౩ నెలలకు గాని తేరుకోలేని రహదారులు, ౩ వేల కోట్లు ఖర్చు అయ్యే డ్రయినేజి మరమ్మత్తులు కంట్రాక్టర్లకు పండగే పండగ :-)

ముంబయి : ఇక చెప్పనక్కర లేదు...భీభత్సం అంటే ఏంటో చవి చూసారు ముంబయి ప్రజలు...

ఎంత ఖర్చు అయినా ఫర్వాలేదు కాని, ఈ వైపరీత్యాల నుంచి అతి త్వరగా తేరుకునే రక్షణ వ్యవస్థ మన దేశం శాశ్వత ప్రాతిపదికన నిర్మించాలి.

నా ఫోటో బ్లాగు ...

హమ్మయ్య...మొత్తానికి నా ఫోటో బ్లాగు ను బాగు చెయ్యగలిగాను... ఇంక జన్మలో "హెల్లో" తో ఫోటో బ్లాగు చెయ్యకూడదు..:-)

మనస్సు నియంత్రించు కోవటానికి ఒక మార్గం

నేను టెన్షన్స్ లో మనస్సు నియంత్రించు కోవటానికి ఒక మార్గం కనిపెట్టా. అది నాకొక్కడికే పరిమితం కావచ్చు. కాబట్టి ఎవరూ ప్రయత్నించవద్దు దయచేసి :-)

అదేమిటంటే ...బైక్ ని 70+ KMPH లో నడుపుతూ మంచి ఇలయరాజా మెలొడి హమ్ చెయ్యడం :-)
దీని వలన మనస్సుకు parallel processing (multi threading) సమర్ఢవంతంగా చెయ్యటం అలవాటు అవుతుందని నా ఆశ

అందమైన జీవితాలు...అమరావతి కథలు

ఈ సారి నా పుట్టిన రోజున చాలా గుర్తు పెట్టుకునే బహుమతులు వచ్చాయి...
అందులో అందమైనది నాకు కాబోయే బావ ఇచ్చిన పుస్తకం..
సత్యం గారి "అమరావతి కథలు" చదువుతుంటే అనిపిస్తూ వుంది, వంశీ తన పసలపూడి కథలకు
అక్షరాభ్యాసం ఇక్కడి నుంచి చేసాడా ? ఏంటి అని :-)

ఎన్నాల్లకెన్నాల్లకు...

ఎంత కాలానికి మళ్ళీ వాన వచ్చింది ?
సిగ్గు పడుతున్నట్లే వచ్చి ధరణి సిగను తనివి తీరా తడుపుతోంది

ఒక జోకు...

9 వ తరగతి తెలుగు పరీక్ష

ప్రశ్న 1 : భీముడు బకాసురుడిని ఎలా చంపాడో కనీసం 5 వరుసలలో రాయండి ? (5 మార్కులు)
Question 1 : Please explain in minimum of 5 lines, how bheema killed Bakaasuraa ? (5 Marks)

జవాబు : భీముడు బకాసురుడిని గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది
గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది
గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది
గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది
గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది గుద్ది చంపాడు.

రాజధాని సిత్రాలు...

మసక బారిన నకిలీ ఐ.ఎస్.ఐ మార్కు హెల్మెట్ అద్దం చికాకు పెడుతోంది
దారి పొడవునా ఇసుక అందరి కళ్సల్లో జల్లుకుంటూ ఒక డొక్కు లారీ ముందుకు పోయింది
అడ్డం పడుతూ పరిగెడుతున్న రోడ్దు బాలలు, దేశ భవిష్యత్తును వెక్కిరిస్తున్నట్టు...
సరిగ్గా రోడ్దు మలుపులో తీరిగ్గా ఆటో ఆపి చుట్ట వెలిగించిన తెలుగు సినిమా నిర్మాతల హీరో

రోడ్దంతా కళ్లాపి జల్లుతూ మన ఘన జల వనరులని వెక్కిరిస్తున్న ఒక తుప్పు టాంకర్
దారి లేదని తెలిసినా మొండిగా, పిచ్చిగా హార్న్ మోగిస్తు ముందున్న వారిని విసిగిస్తున్న మధ్య తరగతి బైకు జీవులు
నాన్న గారి బహుమతి 'పల్సార్' తో జనాలని థ్రిల్ చేస్తున్న కుర్రాల్లు
రోడ్ల పై అనుభవించే రక్త పోటు వ్యవహారాలు...
అడ్దంగా రోడ్లు తవ్వేస్తున్న ప్రయివేటీకరణ, కప్పేదెవెడో మనకర్ధం కాదు

ఎవడో మంత్రి గాడు, ఎన్నికయ్యాక ప్రజలలో తిరగటానికి భయపడి అదే రోడ్దుని బ్లాక్ చేసి పోతున్నాట్ట….
వాళ్ళు నడిస్తే పల్లె బాటలు బ్లాకు...కారులో వెలితే నగర బాట బందు...ప్రజాభిమానం అంతే మరి
ఎవడికి కోపం వచ్చినా చలో నగరం...ఆనందం వచ్చినా చలో నగరం
మరి వీరందరు రైతు జపం నగరం లో ఎందుకు చేస్తారో మన బుర్రకు అందని బ్రహ్మ పదార్ధం
రౌడీ చస్తే రణరంగం చేసి బస్సులు తగల పెట్టేస్తాం, మరి రైతు చస్తే ?

ఫ్జయిర్ర్ ఫాక్సు పోస్తు

ఈ పోస్తు నేను ఫ్జయిర్ర్ ఫాక్సు తెలుగు ప్ల్గగిన్ నుంచి ఛేసాను.

నా సింగపూర్ పర్యటన ... అనుభూతులు

అందాన్ని అందంగా ఎలా వర్ణించాలి?

ఇలా....

నువ్వు పట్టు చీర కడితే ఓ పుత్తడి బొమ్మా! ఆ కట్టుబడికి తరించె పట్టుపురుగు జన్మ..ఓ పుత్తడి బొమ్మా !

ఉగాది మళ్లీ వచ్చింది...

అందరికి హృదయపూర్వక ఉగాది శుభాకాంక్షలు. :-)

టెలుగు థెలుషుకో...

నాకు చిరాకు పుట్టించే కొన్ని తెలుగు ఖూనీలు....

షివ (Siva)
షైలు (Sailu)
షంకర్ (Sankar)
షసి (Sasi)

మనోల్లు "మనిసి" అనే పదాన్ని పల్లె పదంగా చూస్తారు...మరి ఈ తాగుబోతు శబ్దాలను ఏమంటారో...