ఒక మాట మేము (సాంకేతిక నిపుణులు) ఒప్పుకుని తీరాలి. సాంకేతికంగా ఎంత అభివృద్ధి చెందినా, కంప్యూటర్లు మాత్రం ఇంకా సామాన్య జనాలకు కొరుకుడు పడటం లేదు. ఆపరేటింగ్ సిస్టంలు మొదలుకుని, అన్ని రకాల అప్లికేషన్లూ రకరకాల తికమకలతో సామాన్య యూజర్ ను విసిగిస్తూనే వుంటాయి. కొంత మంది అయితే అసలు తాము అలా ఎందుకు చెయ్యాలో తెలియకుండానే కంప్యూటర్లను గుడ్డిగా వాడేస్తుంటారు. పాపం అది వాళ్ళ తప్పు కూడా కాదు. వారికి నేర్పించిన వారి తప్పు మాత్రమే. డెస్క్ టాప్ మీద వూరికే పదే పదే రైట్ క్లిక్కొట్టి రిఫ్రెష్ చెయ్యటం, ముందూ వెనకా చూడకుండా అన్ని చోట్లా Yes క్లిక్కు చెయ్యటం లాంటివి సర్వసాధారణంగా మారిపోయి, వారసత్వంగా పరిణమించింది.
మీరే కనక మంచి సాంకేతిక నిపుణులయితే? తక్షణం మీ స్నేహితులకు సాయం అందించాలంటే ?
ఫోన్ లో చెప్తే చచ్చినా ఎవరికీ ఏమీ అర్ధం కాదు. ఛాట్ అయితే ఓకే...గానీ పూర్తిగా అర్ధం కాదు.
ఈ సమస్యను మరి ఎలా పరిష్కరించటం? వారి పక్కన కూర్చుని మనం ఆ పని చేసి చూపటమే....సరిగ్గా ఈ సమస్య కోసమే ఇప్పుడు చాలా కంపనీలు Remote Help Software లతో వస్తున్నాయి. Team Viewer కూడా అటువంటిదే.
నేను సౌలభ్యం దృష్ట్యా Microsoft SharedView ని వాడుతా. దీనిని దిగుమతి ఇక్కడి నుంచి చేసుకోవచ్చు.
దృశ్య సూచిక - 1 : లాగిన్
దృశ్య సూచిక - 2 : సహాయ సెషన్ ప్రారంభం
దృశ్య సూచిక - ౩ : స్క్రీన్ ను షేర్ చెయ్యటం, ఛాట్ చెయ్యటం
దృశ్య సూచిక - 4 : డాక్యుమెంట్లు పంచుకోవడం
దృశ్య సూచిక - 5 : ఆప్షన్ స్క్రీన్
ఇక మీ స్నేహితులెవరైనా సాంకేతిక సహాయం అడిగితే, ఇక ఫోన్ అక్కరలేదు. షేర్డ్ వ్యూ మీ దగ్గర వుంటే చాలు.