Tuesday, June 12, 2007

హైతెబ్లాస మొదటి వర్షాకాల సమావేశం శుభారంభం

భారత క్రికెట్ కోచ్ పేరు గురించి కూడా ఇంత టెన్షన్ లేదేమో...కానీ హైదరాబాదు తెలుగు బ్లాగర్ల మొదటి వర్షాకాల సమావేశపు వివరాల గురించి మాత్రం తెగ వత్తిడి జరిగింది. కొందరు ఈ-మెయిల్లు, కొందరు SMSలు, మరికొందరు ఫోనులు చేసే సరికి, ఆ దెబ్బకి నాలో బధ్దకస్తుడు బుద్ధి తెచ్చుకుని ఇప్పటి వరకూ దానిని గుర్తున్నంత వరకూ రాసి బొమ్మలు చేర్చి వీవెన్ సహాయంతో ఈతెలుగు గోడ మీద పిడకలా వేసే సరికి ఈ సమయం (12:21 am) అయ్యింది.

హైతెబ్లాస/ఈతెలుగు సంఘం మొదటి వర్షాకాల సమావేశ విశేషాలు, అత్యంత గోప్యనీయంగా వుంచబడిన రెండు ఐ.యస్.ఐ రహస్యాలు తెలియాలంటే ...ఇక్కడ చదవండి.

ఈతెలుగు సైట్లో వ్యాఖ్యలు రాయలేక పోతే...వ్యాఖ్యలేవయినా వుంటే ఇక్కడ రాయండి.

4 comments:

ప్రవీణ్ గార్లపాటి said...

వావ్...
ఇంత మంది రావడం చూసే కడుపు నిండిపోయింది.
అద్భుతం. జై *.తె.బ్లా.స

radhika said...

దిన దిన ప్రవర్ధమానం అవుతున్నట్టుంది కదా.కన్నుల పండుగగా వుంది.మీరు రాసిన విధానం కూడా.పురుగుల మందులు అవి తాగాం అని రాయడం,రహస్యాన్ని చేధించమనడం...

cbrao said...

ఇప్పటికే చాలా కాలం అయ్యింది;ఇంక పారడీ రచయిత పేరు బయట పెట్టండని, సభ్యులు, త్రివిక్రం, చదువరిగార్లను అడిగినారు. సమాధానంగా ముసి ముసి నవ్వులు వచ్చాయి. సమావేశ మధ్యలో, విరామం తరువాత, ధర్మజుడిలా చిన్న యుక్తి సారించక తప్పలేదు. అదే అశ్వద్ధామా హతఃహా కుంజరఃహాః. పారడీ రచయిత పేరు బయటకు రావటానికి, అది ఒకటే మార్గమని తలిచాను. అదీ వారి నొట చెప్పించాలని (రచయిత ఎవరో నాకు తెలిసినా), నా ప్రయత్నం.

విరామం తరువాత అందరూ settle అవుతున్నప్పుడు, చావా కిరణ్ తో అన్నాను -పారడీలు నచ్చాయా అని. సమాధానంగా తాను పారడీ భాగము -1 బాగా enjoy చేసినట్లూ, రెండవ భాగాన్ని అంతగా appreciate చెయ్యలేక పొయినట్లూ చెప్పారు. అప్పుడు నేనన్నాను; రొజూ తింటే గారెలు కూడా రుచించవు -కొంత gap ఇచ్చి నేను రెండవ భాగం రాసుండూల్సుందని. ఇందులో నేను అనే పదం, చిన్న స్వరం లో అన్నా; ఎవరికి వినపడాలో వారికి వినబడ్తే చాలని. కాని నేను అనే పదం ఎవరికోసం ఉద్దేశించించబడిందో వారికే గాక, ఈ-మాట సంపాదకులు సురేష్ కొలిచాల గారికి కూడా వినపడటం తో, కథ నేను ఊహించని మలుపు తిరిగి, సురేష్ గారు పారడీలు మీరు రాశారా? అవి బాగున్నాయని కితాబిచ్చారు. నేను అన్న పదం విన్నమిగతా వారు కూడా, పారడీ లు నేనే రాసానని నమ్మారు. మరి అప్పుడు నేను ఏమి చెయ్యాలి? సురేష్ గారితో చెప్పాను అవి నేను రాయలేదని. అది మిగతావారు కూడా విన్నారు.ఏది నిజమో, అబద్ధమో తెలియని స్తితి అది. ఇంత కథ అయ్యాక, సమావేశం చివరలో, త్రివిక్రంకు, పారడీ రచయిత పేరు బయట పెట్టక తప్పలేదు. నాగరాజ, శోధన సుధాకర్ ల పారడీలను, నాగరాజా గారు రాస్తే, మిగతావన్నీ చదువరిగారు రాసారు. రాజకీయాలే కాదు,భిన్నమైనవి రాయండన్న సలహాను sportive గా తీసుకొని, తనలోని వైవిధ్య విశ్వరూప ప్రదర్శన గావించిన, చదువరికి వేస్తున్నా ఒక వీరతాడు.

ఈ నెల ముఖ్య అతిధిగా ఈ-మాట సురేష్ గారు రావటం ఆనందకారకం. ప్రతి నెలా ఒక అతిధిని తీసుకు వద్దామా? సాహితీ గుంపు నుంచి స్వాతి రావటం ఇంకో విశేషం. గత నెలలో జ్యోతక్క, మన సమావేశానికి వచ్చారన్న విషయం మీకు తెలుసు. మహిళా బ్లాగరులు, ఇలా నిద్ర లేవటం ముదావహం.

http://etelugu.org లో, తొలిసారిగా ప్రచురితమైన, ఈ సమావేశ విశేషాలు, చక్కగా అందించిన, శోధన సుధాకర్ కు అభీనందనలు. సరళంగా, చదివించేలా ఉందీ నివేదిక. చాయా చిత్రాలు పై click చేసి చూసా. అవి expand కావటము లేదు. e-telugu.org లో సభ్యులు కాని వారు, కేవలము వ్యాసాన్ని మాత్రమే చదువగలరు గాని, వ్యాఖ్యలు చదువలేరు, రాయలేరు. ఇది ఒక లోపము. సభ్యులు కానివారు కూడా వ్యాఖ్యలు చూడగలిగితే బాగుంటుంది. వ్యాఖ్యలు రాసే సదుపాయం కలిపిస్తే ఇంకా బాగు. Select గావంప బడిన ప్రదేశములో, text కనిపించటము అనే trick/technique ఎలా చేశారో మన ఇంద్రజాలికులు, టెక్నిక్కుల మాస్టారు అయిన వీవెన్ వివరిస్తే, మిగతా బ్లాగరులకూ అది ఉపయుక్తంగా ఉండగలదు. ఈ వ్యాసాన్ని, e-తెలుగు వెబ్ సైట్లో, తొలిసారిగా, అందంగా, మన ముందుంచిన వీవెన్ కు ధన్యవాదాలు.

శోధన said...

We just made the text have white color using a style.

About Us | Site Map | Privacy Policy | Contact Us | Blog Design | 2007 Company Name