వెనకబడిన వాళ్ళ్సు ఎవరు?

తెలంగాణా వాణి ప్రధానంగా వెనుకబాటుతనం అన్నది తెలిసిందే. ఈ విషయంలో అసలు సందేహమే అక్కరలేదు.

టీ.జీ వెంకటేష్ : రాయలసీమ వెనకబడి వుంది.

రాయపాటి : ఆంధ్ర వెనకబడి వుంది. (ఇతనికి గుంటూరు తప్పితే ఇంకో ప్రాంతం తెలిసినట్లు లేదు).

కోస్తా మీద ఎవరూ ఇంతవరకూ మాట్లాడలేదు...(వాళ్ళు రాజకీయంగా కూడా వెనుకబడినట్లున్నారు :-))

ఇవన్నీ చూస్తోంటే రెండు విషయాలు అర్ధం అవుతున్నాయి.

౦౧. మన రాష్ట్రంలో అన్ని ప్రాంతాలు వెనుకబడి వున్నాయి (ప్రపంచబ్యాంకు అప్పులు చూస్తే తెలుస్తాయి)

౦౨. అందరు రాజకీయ నాయకులు తమ భవిష్యత్తుకు బాటలు ఇలా వేర్పాటు కూతల ద్వారా వేసేసుకుంటున్నారు.

అంత వరకూ ఎందుకూ, మన రాజధాని నగరంలోనే పూటకి తిండిలేని అభాగ్యులు ఎంత మందో...

రైతుల ఆత్మహత్యలకు ఆంధ్ర, తెలంగాణా, రాయలసీమ తేడా లేదు.

కాంట్రాక్టర్ల, భూబకాసరుల పాపాలకు ఆంధ్ర, తెలంగాణా, రాయలసీమ తేడా లేదు.

కుల వివక్షతకు, వరకట్నాలకూ, హత్యలు, అభధ్రతకూ, అశాంతికి ఆంధ్ర, తెలంగాణా, రాయలసీమ తేడా లేదు.

మన రాష్ట్రం వంద రాష్ట్రాలైనా వీటి పెద్దగా ఎదురుండక పోవచ్చు. ఏమంటారు.